Gizaldietako esperientzia (200 urte baino gehiago) eta bertako sagarrondo landaketan egindako esfortzu handiaren ondoren, gaur egun, honako ezaugarriak dituen uzta izaten dugu orokorrean: zapore handiko eta indar gehiagoko sagardoa, sendoagoa, gozoagoa eta gorputz gehiagorekin. Erraz edaten den sagardoa izanik, %6ko alkohol gradurekin soilik.

Sagastigintza


Gure nahiak eta esfortzuak, aspaldidanik, urtero-urtero, Etxeko sagarrarekin eta Gipuzkoako sagarrarekin bakarrik ekoiztutako sagardoa lortzera zuzenduak daude. Gaur egun, uzta oparoa denean, %100 Gipuzkoako sagarrarekin soilik egindako sagardoa lortzen dugularik. Honekin loturik gehitu behar dugu  gure proiektu berrietako bat dela etxeko sagasti berrienekin sagardo ekologikoa egitea. Beraz, gure sagastigintzaren inguruan biltzen dira ilusio, lan, esfortzu eta proiektu guzti hauek eta gehiago ere!

Orri hauetan gure poza adierazi nahi dugu, hiru aldiz Gipuzkoako TXAPELA lortu izanagatik. Hau da, 1go saria, 2004, 2006 eta 2010. urteetan  Gipuzkoako Sagardogile onenari Gipuzkoako Foru Aldundiak emandako sarietan. 2007. urtean 2º saria ere lortu genuelarik. Guzti honi, besteak beste, 1987.urtean, sagardo onenaren 1go saria lortu izana ere gehitu behar zaio. Esan behar da, konkurtso hauek seriotasun handiagatik eta hautaketa prozesu zorrotzarengatik ezagutzen direla. Horrela, gaur egun sagardotegi bakarra gara momentuz, 3 TXAPELA dituena.

Gure bezeroek gipuzkoako sagardorik onenaz goza dezaten nahi dugu, bai “Txotx” garaian sagardotegian bertan, eta baita ere, urteko edozein garaitan botilan. 10-13 gradu artean edatea gomendatzen dugu, honela, berezko propietate, aroma eta zapore %100 naturala hobeto nabarmentzeko.

Bai estatu mailan eta, gaur egun esan dezakegu esportazioak medio, mundu mailan ere, hainbat eta hainbat tokitako gure bezeroei, eskerrak eman beharrean gaudela bazkari nahiz afari esanguratsuetan gure betiko sagardoa edateagatik. Aldi berean, oraindik gure sagardoa probatu ez duena, dastatzera gonbidatu nahi dugu.

Upategiak eta ekoizpena


Ekoizpen onena lortzearren, berrikuntza haundiak egin ditugu bai egitura mailan eta baita puntako teknologia duen makineria eskuratuz; baina beti ere, gure aintzanako era tradizionala mantenduz.

Gure sagardoaren funtsezko oinarria ekoizpen prozesuko ahalegin berezian eta, batez ere, erabilitako kalitatezko lehengaietan datza. Lehengai horiek ondorengo sagar barietatea izanik: “txalaka, mozolua, mikatza, saltxipi, urtebixiki, urtebihandi, goikoetxea, haritza, gezamina, antolamakatza,…”

Ekoizpen prozesua R.ZABALA UPATEGIETAN egiten da zaintza, atentzio eta mimo handiarekin.

"Txotx" garaia


“Txotx” garaia, sagardoa kupeletik dastatzeko, urtarrila haseratik maiatza bitarte izaten da. Egunero zabalik egoten da afaltzeko (igande gauak izan ezik) eta asteburuetan, (ostirala, larunbata eta igandetan) bazkaltzeko ere bai.

Sagardotegiko betiko menua eskaintzen da: txorizo pintxoa etxeko bakailu tortila, bakailu frijitua pipar berdeekin, txuleta eta gazta, intxaurrak eta sagar menbriloa. Guzti hau sagardo onenarekin noski.

Beraz, nahi duten guzti haiei animatzen diegu edozein eratako ospakizun, bai lagun arteko bazkari edo afari, edo baita ere enpresako bilerak edo nola ez famili arteko topaketak ospa ditzaten R. ZABALA sagardotegian. Guzti hauetarako giro egokia aurkituko baitute bertan.

Esportazioak


Urteko edozein garaitan bai jatetxe, merkatal toki, almazen edo partikularrei saltzen diegu 3, 6 edo 12 botilako kaixetan. Salmentak bai estatu mailan eta baita mundu mailan ere burutzen ditugu ESPORTAZIOEI esker, batez ere EEBBetan.

“Parisen, sagardoak dituen ahalmen elikagarriei buruzko ikasketa bat egin zen, sendagileek, edari hau osasunarentzat onuragarri zela onetsi zuten ondorengo konklusiora iritsiz: gizakiak egunean behar dituen 3000 kalorietatik sagardoarekin 250-300 bitarte hornitu ditzake. Ez da hori bakarrik ordea; sagardo naturala kantitate esanguratsuetan edan daiteke kalterik egin gabe. Gainera, “gota” deritzogun gaixotasunaren eta baita harrien aurka babesten du. Edonola ere, sagardoa edateak organismoa gazte mantentzen laguntzen du eta baita azaleko gaitzak desagertarazten ere.”

Le Figaro, París, 7-XI- 60